Velkomin! Tómas Andri heiti ég, Arnarsson, og er tuttugu-og-sex ára Strandamaður. Ég er metnaðarfullur, samviskusamur og nákvæmur, fljótur að læra og tileinka mér nýja hluti. Ég er hress og skemmtilegur, með góða samskiptafærni og mikla þjónustulund. Ég er reyklaus og reglusamur. Hér fyrir neðan má sjá yfirlit yfir menntun og starfsreynslu, ýmsa færni og áhugamál. Þá er líka hægt að benda á hnappinn hér beint fyrir neðan til að sækja ferilskrána mína.
MenntunÚtskrifaður úr Tækniskólanum með stúdentspróf af Tölvubraut. Ágætis einkunnir alla leið í gegn.
Útskrifaðist úr Víðistaðaskóla í Hafnarfirði árið 2014.
Hef yfirgrips mikla þekkingu á Microsoft Office, Adobe og Google forritum. Þekking á HTML, CSS, PHP, JavaScript, Dart, Python og C# Þekking á Photoshop, Illustrator og Premier Pro Starfræn miðlun - vefsíðugerð, námsefnisgerð og myndbandavinnsla Umsjón með heimasíðum Umsjón með samfélagsmiðlum Á auðvelt með að læra á hin ýmsu kerfi og nýta mér nýja tækni eftir þörfum Tungumál: Íslenskukunnátta mjög góð í ræðu og riti Skil, skrifa og tala ensku vel Dönsku og ítölsku kunnátta ágæt
StarfsferillEins og stendur starfa ég sem lagerstjóri hjá ELKO á Granda. Helstu verkefni tengjast talningu vara sem fara inn og út úr verslun, yfirferð og skráningu gallaðra hluta, umsjón með afskriftum og öll önnur lagerstörf sem manni myndi detta í hug.
Hér starfaði ég sem beitningarmaður og háseti á bátnum Benna á Drangsnesi. Beitningavinnan segir sig sjálf, langir klukkutímar af erfiðisvinnu við beitningu á 500 króka bölum. Seinustu 6 mánuðunum hjá Útgerðarfélaginu var varið á sjó, á línubát.
Hér starfaði ég sem sölu- og þjónustufulltrúi í verlsun Vodafone við Suðurlandsbraut 8. Vinnan þar gekk út á sölu á hinum ýmsu símtækjum og þjónustum, og auðvitað aðstoð með hvað sem er, hvort sem það er tæknileg eða sálfræðileg aðstoð.
Hér starfaði sem svæðisstjóri þjónustudeildar og afhendingalagers IKEA í rúm tvö og hálft ár. Átti einnig við störf í Skilað og Skipt og á afhendingarlagernum.
Með það markmið í huga að afla mér örlítið fleiri aurum yfir jólin, réði ég mig í vinnu hjá Securitas, þar sem ég var öryggisvörður í hinum og þessum búðum og átti við tilheyrandi störf. Fékk að standa helling og það var bara öskrað á mig einu sinni. 9/10 experience allt í allt.
Ég átti við það mikilvæga starf að færa fólki mat í híbýli sín. Ég þeyttist um göturnar á bíl merktum Aha Veitingum og sótti mat á alls konar veitingastaði og flutti heim að dyrum viðskiptavina. Ég vil halda að þeir sakni mín í dag.
Ég átti við starf í Krónunni Hafnarfirði við að afgreiða viðskiptavini á kassa og önnur tengd störf.
Ég ákvað að prófa að ferðast aðeins um sumarið í leit að vinnu, og endaði á Kaffi-horninu á Höfn í Hornafirði. Ég byrjaði sem uppvaskari, færði mig svo í að undirbúa hráefni eldhússins og svo varð ég diskari og kokkur. Eigendurnir elskuðu mig svo mikið að ég fékk að koma aftur sumarið eftir.
15 ára gutti, nýútskrifaður úr 10. bekk fór ég að leita mér að vinnu fyrir sumarið og komandi framhaldsskólaár. Ég fékk tækifæri á Burgernum, þar sem ég vann aðallega sem kokkur á grilli og við hin ýmsú aðstoðarstörf í rúmt ár.
ÁhugamálÉg elska tónlist, eiginlega bara alla. Ég spila á þónokkur hljóðfæri, t.d. gítar, ukulele, píanó, munnhörpu, harmónikku og kazoo svo eitthvað sé nefnt. Ég lifi fyrir allt tengt tölvum og tölvuleikjum, sem útskýrir tölvunámið og þessa líka ágætu síðu. Ég hef mikinn áhuga á líkamsrækt og matarræði, og stunda reglulegar hjá World Class. Ég virðist eyða nærri því öllum sparnaði sem ég næ saman árlega í að fara til einhvers land eða tveggja. Kvikmyndir sko; ég skráði niður allar myndir sem ég horfði á árið 2022, og þær voru 197. Það hljómar kannski eins og of mikið af áhugamálum, en ég meina, hvað er lífið án áhugamála!
Meðmæli
Hella fínn gaur Dwayne Johnson, kvikmyndastjarna.
Hann gerir bestu mojitoana! Mark Zucherberg, CEO, Facebook
Þekki hann frekar lítið, en hann hljómar eins og fínn gæji. Einhver félagi á Laugarvegi
Án djóks samt, get komið með meðmæli ef beðið er um. Tómas Andri